Allir í gallana!

Fyrsti stórleikur ársins í íslenskum fótbolta verður klárlega á laugardaginn þegar Völsungur og Leiknir eigast við í Boganum á Akureyri. Pönkararnir frá Húsavík gegn Ghettó-strákunum úr Breiðholtinu. Gaman að því að þessi tvö lið eru einmitt hægt og bítandi að yfirtaka íslenskan fjölmiðlamarkað.

Til að hita fólk upp fyrir viðureignina á laugardag býð ég upp á stuðningsmannalög þessara tveggja liða, enda fátt skemmtilegra en íslensk stuðningsmannalög. Um er að ræða tvö gjörólík lög svo varla er samlíkjandi.

 

Allir í gallana - Völsungur

Bjart í Breiðholti - Leiknir

Athugasemdir

[bóasinn (IP-tala skráð) 15.3.2007 kl. 15:19]

Völsungur hefur klárlega vinningin.

„Koma svo grænir við vitum hvað bíður okkar, þetta er sex stiga leikur“

Húsvískt pönk eins og það gerist best.

Snarpir strákar glöggir, núna hirðum bikarinn!!! Veit það ekki

Hélt að ghetto ground væri með hardcore rapp en svo var ekki...

Atkvæði mitt fer norður

[Hjaltmann (IP-tala skráð) 15.3.2007 kl. 17:06]

Stuðningsmannalag Völsungs er mjög skemmtileg. Er þetta jafnvel hin stórkostlega hljómsveit Innvortis? Þess má geta að það band var í miklu uppáhaldi hjá mér forðum daga, sér í lagi lagið "Verður Morgunverður?" Menn hljóta að þekkja það band út og inn?

"Þetta lítur ágætlega út," bendir skýrmerkilega til þess að árangur Völsungsliðsins hafi ekki verið neitt til að hrópa húrra fyrir...

Augljóslega fer atkvæðið mitt samt í Breiðholtið þrátt fyrir að ropinn undir lokinn hafi komið sterkur inn Völsungsmegin.

[Eiríkur Stefán Ásgeirsson (IP-tala skráð) 15.3.2007 kl. 18:40]

Lag: Down on the Corner með Creedence Clearwater Revival.
Texti: Mesta ljóðskáld Íslandssögunnar. 

"Na, na, na, nana, na, nana, na, nana"

: endurtakist  7 sinnum :

Bjart í Breiðholti,
boltinn rúllar enn.
bjartsýnir og beittir,
Bestir eru Leiknismenn.

Vörnin eins og veggur
vanir menn á ferð.
Þar sem mótherjinn svo heggur,
þá bitlaust er hans sverð.

Í sókninni svo snöggir,
svo fer boltinn inn.
Snarpir strákar glöggir,
núna hirðum bikarinn.

Bjart í Breiðholti,
boltinn rúllar enn.
bjartsýnir og beittir,
Bestir eru Leiknismenn.

Bjart í Breiðholti,
boltinn rúllar enn.
bjartsýnir og beittir,
Bestir eru Leiknismenn. 

(Mögnuð lýsing á Leiknismarki)

Bjart í Breiðholti,
boltinn rúllar enn.
bjartsýnir og beittir,
Bestir eru Leiknismenn. 

Bjart í Breiðholti,
boltinn rúllar enn.
bjartsýnir og beittir,
Bestir eru Leiknismenn. 

Vörnin eins og veggur
vanir menn á ferð.
Þar sem mótherjinn svo heggur,
þá bitlaust er hans sverð.

Í sókninni svo snöggir,
svo fer boltinn inn.
Snarpir strákar glöggir,
núna hirðum bikarinn.

Bjart í Breiðholti,
boltinn rúllar enn.
bjartsýnir og beittir,
Bestir eru Leiknismenn.

Bjart í Breiðholti,
boltinn rúllar enn.
bjartsýnir og beittir,
Bestir eru Leiknismenn.

"Na, na, na, nana, na, nana, na, nana"

: endurtakist 9 sinnum :

-----------------------------------------------------

Þvílík snilld. Yndislegt. Í Skólaljóðin með þennan texta! 

[Elvar Geir Magnússon, 15.3.2007 kl. 23:01]

hahahaha þetta þarf ekki að vera flókið til að vera gott. En þökk sé Gloriu þá geta nú allir sungið með.

[BB (IP-tala skráð) 16.3.2007 kl. 03:04]

"I don´t want to hurt you... I just want to kill you."

Þetta ortu meðlimir sveitaballahljómsveitarinnar Cannibal Corpse hérna um árið og vonast ég til að þeir taki þetta lag á tónleikum sínum þegar þeir mæta á klakann í sumar. Allir þangað. 

[Höddi (IP-tala skráð) 16.3.2007 kl. 11:23]

Leiknis lagið fær atkvæði mitt fyrir góða lýsing á markinu sem þeir skora. afburða vel gert